Main Image

History

പതിറ്റാണ്ടുകള്‍ക്ക്‌ മുമ്പ്‌ ഇഞ്ചൂര്‍ കോഴിപ്പിള്ളി, വാരപ്പെട്ടി, പിടവൂര്‍, മൈലൂര്‍ പ്രദേശങ്ങളിലുള്ള യാക്കോബായ സുറിയാനി ക്രിസ്‌ത്യാനികള്‍ക്ക്‌ ആരാധിക്കുന്നതിന്‌ ഒരു ദൈവാലയം ഇല്ലായിരുന്നു. അവര്‍ ആത്മീയമായ ആവശ്യങ്ങള്‍ക്ക്‌ കോതമംഗലത്തും കാരക്കുന്നത്തുമുള്ള ദൈവാലയങ്ങളെയാണ്‌ ആശ്രയിച്ചിരുന്നത്‌. ഇതിന്‌ പരിഹാരം കാണുന്നതിനായി വാരപ്പെട്ടി പഞ്ചായത്തിന്റെ ഹൃദയഭാഗമായ ഇഞ്ചൂര്‍ പ്രദേശത്ത്‌ ഒരു ദൈവാലയം നിര്‍മ്മിക്കാന്‍ ആഗ്രഹിക്കുകയും 1916 ആഗസ്റ്റ്‌ മാസം 22-ാo തിയതി വാരപ്പെട്ടി എല്‍. പി. സ്‌ക്കൂളില്‍ വച്ച്‌ കൂടിയ പൊതുയോഗത്തില്‍

പള്ളി സ്ഥാപക വികാരി
ഫാ. മത്തായി ചെറുകരയില്‍

ദിവംഗതനായ ചെറുകരയില്‍ ബ. മത്തായി കത്തനാരുടെ നേതൃത്വത്തില്‍ കാളാക്കുടിയില്‍ വര്‍ക്കി ഇയ്യോബ്‌, ചേലാട്‌ വര്‍ക്കി വര്‍ക്കി, ചെരണ്ടായത്ത്‌ പൈലി വര്‍ക്കി, കുഞ്ചലക്കാട്ട്‌ പാറേക്കുടി വര്‍ക്കി പൈലി, മാനിക്കാട്ട്‌ വര്‍ക്കി കോര, മാനിക്കാട്ട്‌ വര്‍ക്കി പൈലി, പുന്നേലില്‍ പൈലി പൈലി, തളിയാറ്റില്‍ പൈലി ഉതുപ്പ്‌, കുരുവിക്കാട്ടുകുടി തൊപ്പിന്‍ ചാക്കോ, കൂമുള്ളില്‍ ഐപ്പ്‌ ചാക്കോ, കുരുന്നപ്പിള്ളി പൈലി മാത്യു, പട്ടരുകുടി വര്‍ക്കി ചെറിയത്‌, ചെറുകരയില്‍ ചെറിയത്‌ പൈലി, കരിമ്പനയ്‌ക്കല്‍ പൈലി പൈലി, കാളാക്കുടിയില്‍ പൈലി ഇയ്യോബ്‌, അന്തിനാട്ടുകൂടിയില്‍ മാത്യു തൊമ്മന്‍, അന്തിനാട്ടുകൂടിയില്‍ ചാണ്ടി പൈലി, എന്നിവരടങ്ങുന്ന ഒരു 18 അംഗ മാനേജിംഗ്‌ കമ്മറ്റിയെ തെരഞ്ഞെടുക്കുകയും ചെയ്‌തു.

പള്ളി നിര്‍മ്മിക്കുന്നതിന്‌ അന്നത്തെ അങ്കമാലി ഭദ്രാസന മെത്രാപ്പോലീത്ത, കാലം ചെയ്‌ത പരി. പൗലോസ്‌ മാര്‍ അത്താനാസി യോസ്‌ വലിയ തിരുമേനിയുടെയും, കോട്ടയം ദിവാന്‍ പേഷ്‌കാറിന്റേയും അനുവാദം വാങ്ങുന്നതിന്‌ ബ. മത്തായി കത്തനാരെ യോഗം ചുമതലപ്പെടുത്തി. അച്ചന്റെ ശ്രമഫലമാ യി 1917 മകരമാസം 6-ാ0 തിയതി കുരിശു സ്ഥാപിച്ചു. അന്തിനാട്ടുകുടിയില്‍ ചാണ്ടി പൈലി വഴിപാട് ആയി നല്‍കിയ 54 സെന്റ പുരയിടത്തില്‍ 91 കുടുംബങ്ങള്‍ ചേര്‍ന്ന്‌ ഒരു വര്‍ഷക്കാലം രാപകലില്ലാതെ കഠിനാധ്വാനം ചെയ്‌തതിന്റെ ഫലമായി മാര്‍ തോമാസ്ലീഹായുടെ നാമത്തില്‍ 1918 മകരം 6-ന്‌ ചേർന്നായി ഒരു കുരിശുംതോട്ടി സ്ഥാപിച്ചു. പരി. വലിയ തിരു മേനി ആദ്യമായി ബലിയര്‍പ്പിച്ചുകൊണ്ട്‌ ദേശത്തെ അനുഗ്രഹിച്ചു. പള്ളിക്ക്‌അനുവാദം കിട്ടുന്നതിന്‌ വേണ്ടി അന്തീനാട്ടുകുടിയില്‍ ചാണ്ടിപൈലി 28 സെന്റ നിലവും അന്തീനാട്ടുകൂടിയില്‍ മാത്യു തൊമമന്‍ 48 സെന്റ നിലവും പള്ളിക്ക്‌ വഴിപാട് ആയി നല്‍കിയിട്ടുണ്ട്‌.

1931 ജൂണ്‍ 19 ന്‌ മലങ്കര ആഗമന വേളയിൽ മഹാ പരിശുദ്ധനായ ഇഗ്നാത്തിയോസ് ഏലിയാസ്‌ ത്രിതിയൻ പാത്രിയർക്കീസ് ബാവ എഴുന്നള്ളി വന്ന് ഈ പള്ളിയെയും ദേശത്തെയും അനുഗ്രഹിച്ചു . തദവസരത്തിൽ ഈ പ്രദേശത്തിന്റെയും പള്ളിയുടെയും ഭുപ്രക്രതിയിലും ഭംഗിയിലും ഇടവക മക്കളുടെ സ്നേഹത്തിലും അകൃഷ്ടനായ പരിശുദ്ധ ബാവ തിരുമേനി ഈ പള്ളിയിൽ ശിഷ്ടകാലം ചിലവഴിക്കുവാൻ ആഗ്രഹം അറിയിച്ചു .എന്നാൽ അന്നത്തെ സാമ്പത്തിക സ്ഥിതി പരിമിതമായതിനാൽ നമുക്ക്‌ ബാവ തിരുമേനിയുടെ ആഗ്രഹം നിറവേറ്റുവാൻ സാധിക്കാതെ പോയി, ബാവ വന്നതിന്റെ ഓർമക്കായി 1942 പള്ളിയുടെ തെക്കുപടിഞ്ഞാറേ അതിർത്തിയിൽ റോഡിനോടു ചേർന്നായി ഒരു കുരിശുംതോട്ടി സ്ഥാപിച്ചു . പിന്നീട് ചാപ്പൽ ആക്കി ഉയർത്തിയ ഈ കുരിശു ബാവയുടെ അനുഗ്രഹങ്ങളുടെ കലവറയായി ഇന്നും നിലകൊള്ളുന്നു . ഈ പള്ളിയോടുള്ള സ്നേഹവും കരുതലും നിമിത്തം എന്നും പരിശുദ്ധന്റെ മദ്യസ്ഥത പല അത്ഭുതങ്ങള്‍ക്കും ഈ ദേശത്തിന്റ്യും ഇടവകയുടയും അനുഗ്രഹത്തിനും കാരണമാകുന്നത് ഞങ്ങൾ നന്ദിയോടെ ഓർക്കുന്നു.

തുടർന്നുള്ള യാത്രയിൽ സ്ഥലപരിമിതി മൂലം 1980 കളുടെ തുടക്കത്തിൽ പള്ളി കുറച്ചു ഭാഗം കൂട്ടിച്ചേർക്കുവാൻ തിരുമാനിക്കുകയും 1982 ൽ അന്നത്തെ വികാരി ആയിരുന്ന ഫാ. എം.സി. പോള്‍, മാറാച്ചേരിപുത്തന്‍പുരയിലും അന്നത്തെ ട്രസ്റ്റി ആയിരുന്ന കാളക്കുടിയിൽ കെ .എ ഈയോബിന്റെയും ,ചേനക്കരയിൽ സി പി ജേകബ്‌ന്റെയും മേൽനോട്ടത്തിൽ പള്ളി മുൻവശവും തെക്കും വടക്കും ഭാഗവും കൂട്ടി ചേർത്ത് വലുതാക്കിയത് ഇത്തരുണത്തിൽ നന്ദിയോടെ ഓർക്കുന്നു.

എന്നാല്‍ കാലത്തിന്റെ യാത്രയില്‍ ഇടവകയില്‍ കുടുംബങ്ങളുടെ എണ്ണം 400 കവിയുകയും ദൈവാലയത്തില്‍ സ്ഥലപരിമിതി ഒരു പ്രശ്‌നമാവുകയും ചെയ്‌തപ്പോള്‍ ഇടവക മക്കള്‍ ദൈവാലയം മനോഹരമായി പുതുക്കിപണിയുന്നതിന്‌ തീരമാനമെടുത്തു. 2007 നവംബര്‍ മാസം 3-ാ0 തിയതി പള്ളി വികാരി ബഹു. വലിയപറമ്പില്‍ എല്‍ദോ കശ്ശീശയുടെയും സഹവികാരി നാരകത്തുകുടി ജോര്‍ജ്ജ്‌ കശ്ശീശയുടെയും ശ്രഷ്‌ഠ കാതോലിക്കായും ഇടവക മെത്രാപ്പോലീത്തയുമായ ആബൂന്‍ മോര്‍ ഡോ. ബസ്സേലിയോസ് തോമസ്‌ പ്രഥമന്‍ ബാവയുടെയും അനുഗ്രഹീത സാന്നിദ്ധ്യത്തില്‍ പുതുക്കിപ്പണിയുന്ന ദൈവാലയത്തിന്‌ തറക്കല്ലിട്ടു.

ഇടവക മക്കളുടെയും, മറ്റ്‌ അഭ്യുദയകാംക്ഷികളുടേയും നിര്‍ലോഭമായ സഹകരണത്താലും പ്രാര്‍ത്ഥനയാലും ഇന്നു കാണുന്ന തരത്തില്‍ വെറും രണ്ടു വര്‍ഷം കൊണ്ടു ദൈവാലയം പുതുക്കിപ്പണിയുവാന്‍ സാധിച്ചു എന്നുള്ളതില്‍ ദൈവത്തെ മഹത്വപ്പെടുത്തുന്നു.

തിരുശേഷിപ്പ്

മഹാപരിശുദ്ധനായ ഇഗ്നാത്തിയോസ് ഏലിയാസ്‌ തൃതിയൻ പതൃയർകീസ് ബാവ (മഞ്ഞിനികര ബാവ ) ഈ നാടിനെയും ഇടവകയെയും എഴുന്നുള്ളി വന്നു അനുഗ്രഹിച്ചതിന്റെ ഓർമ്മക്കായി യാക്കോബായ സഭയുടെ ശ്രേഷ്ഠ കാതോലിക്കയും മലങ്കര മെത്രാപ്പോലീത്തയുമായ മാർ ബസേലിയോസ് തോമസ്‌ പ്രഥമൻ ബാവ 2011 ജനുവരി 18 ന് പരിശുദ്ധന്റെ തിരുശേഷിപ്പ് സ്ഥാപിച്ച് അനുഗ്രഹിച്ചു ,പരിശുദ്ധന്റെ മധ്യസ്ഥത അനേകം പേരുടെ രോഗശാന്തിക്കും മഹാ വിപത്തുകൾ മാറിപോകുന്നതിനും കാരണമാകുന്നതായി അനുഭവസാക്ഷ്യങ്ങൾ കാണിച്ചുതരുന്നു.